2014年3月11日星期二

只是吹水----致同在缸湖的兄弟

兄弟們, 我想死你們了!

我年前到現在, 都沒出來同兄弟們吹水, 并非喺扮低調, 實在是怕言多必失, 誤導別人. 剛過完年沒幾天, 東莞就突然出事了, 個時我就覺得有古怪, 想了半天, 才明白, 這是一個暗示. 我地都是混缸湖的, 最緊要, 當然是天天見到綠色啊, 綠色怎麼來? 小朋友都知道, 黃加藍變綠嘛. 可是東莞一搞, 打黃了, 男(藍)的也跑了, 這綠梗喺難搵啦. 綠色難找, 擺明了今年缸湖難撈. 兄弟我不想誤人, 就乾脆先匿埋屋企一排算了.

講真, 宜家要我講, 邊度有錢搵, 我也不知道. 不過, 隨便講一講, 大家當吹水就好, 應該沒事吧.

要說在缸湖混, 最緊要看個勢是向邊度, 而這個方向又主要看兩個, 一是環境, 二是價錢.

看價錢, 恆生百貨里的東西整體點睇都不算貴, 想來會吸引一些人, 但是, 這些貨有不少快過時了, 有一些是次貨, 就算人啲來買, 睇怕也不肯出高價的, 肯大手真金白銀買的, 肯定要先精挑細選并不斷講價. 當然, 如果有人出價太低, 因為本來已經有點打折了, 貨主也不大肯更賤價賣的. 因此, 純看價錢, 我估個市難以大上也難以大落.

看環境, 老美很明顯日子越來越好了, 歐洲亂了一排, 宜家似乎也可以話基本無事了. 照講, 人地開始就來有得嘆, 我地應該也不差, 但系, 新老大習哥剛剛揸fit, 之前胡哥留低的手尾沒有咁快搞得定, 在他個位未坐穩前, 睇怕沒得大茶飯食. 外安但內未定, 就算美國佬風生水起, 我地都似乎仲要等一排.

雖然睇來生意難撈, 也不是完全沒有機會. 社會要發展, 不會先停低等某人做好嗮準備功夫. 就算大佬做嘢, 多數也不是指點大家新的社會發展方向, 因為大佬也不是先知. 他應該是以穩定秩序為先, 首要的是論功行賞, 讓手足有著數先肯賣力, 另外, 是踢走那班阻頭阻勢的人. 從這個角度睇, 宜家大佬的主要工作不過是將塊餅重新分配而已. 排排坐, 分果果, 是不會增加社會價值的, 這也許是個指數近排一直難升的原因之一. 我們做細的, 分果果輪不到, 怎麼分, 我們也不知道, 因此, 醒目的做法應該是暫時不必太過重視指數.

所謂神仙打架, 小鬼難撈, 指數可以不理, 但不代表我等小鬼就只能呆等. 社會總是會發展, 不以某個大佬的意志為轉移, 找到那些代表未來的東西, 就是我們的機會. 新生事物一開始都是微小的, 力量也不大, 但生命力很頑強, 一有機會, 就會瘋長, 我們現在的主要精力, 應該放在這邊, 並且, 有一點要留意的喺, 因為新的嘢只喺發展階段, 如果我地凈喺扮有學識當會計師拼命為公司計數, 忽略了跳出死數, 多啲看長遠方向, 會同只喺掛住揸個放大鏡努力找靚女臉上的雀斑, 而完全忽視個女仔好明顯喺靚女差唔多.

暫時, 我覺得最有機會的, 喺醫療, 環保, 節能, 彩票以及互聯網相關.

醫藥唔使講, 人口老化, 環境惡劣影響健康, 生活水準提高, 都對醫藥利好. 環保節能, 睇下周圍環境, 再不理, 大家未來邊度住都成問題. 彩票, 本來就是大陸所謂屌絲的廉價娛樂兼發夢地點, 生意一年好過一年梗喺必然, 再加上宜家開始網上投注及所謂彩票無紙化, 只會俾人投注愈加方便, 而且今年又喺世界杯, 彩票想不賺錢都難. 互聯網, 睇阿里巴巴同埋企鵝, 就知道宜家幾咁火熱啦.

哩四個方向, 大家肯定都知, 我也不多講, 不如講多啲揀股.

關於醫藥, 市場好多股, 雖然好多人話要揀龍頭, 不過, 醫藥和其他生意不同, 只要有幾個能賣得好的藥, 就可以支撐公司發展好多年, 而且不使擔心人地搶食, 因市場夠大. 大隻佬, 好多人睇住, 難出事, 但也難驚喜, 多數要靠時間等業績帶動股價, 而且因太多人買, 好難撈到平貨, 而想買貴些許再賣更貴出去, 又要個市就. 因此, 我覺得在小公司入邊, 機會更多, 因為平時少人關注, 估值比大隻嘢有折讓, 一有好業績, 隨時被重估, 如果再吸引多啲人關注, 來個戴維斯雙擊, 就不講得笑啦. 暫時, 我在1349(早前已經走咗)及1061已經得手.

環保節能, 好多嘢雖然講起上來, 似乎大家做的生意都不一樣, 但基本上好多可以總結為煤礦發電的替代, 比如風電, 水電, 煤化氣, 燃氣發電之類, 因為這些涉及到難以控制的天氣及環境因素和政策比如電價定價政策之類, 好多因素的綜合, 我覺得難以把握. 至於好似垃圾發電, 水務之類, 又被人炒的太貴. 所以, 我覺得, 不如簡簡單單, 重錘估值合理, 發展路線又比較清晰的燃氣管道商算了. 另外, 有些業務獨特而又有前景的相關公司, 也值得細心發掘.  我目前以一正一奇出擊. 重倉384, 中倉1206. 估不到的喺升下升下, 1206也變重倉了, 因買入到宜家, 已經差不多升了四成, 似乎可以準備收割了.

彩票, 講真, 如果不是zahedi兄提點, 我都不會關注, 因為偏見, 覺得相關股票都是垃圾. 不過, 睇真啲, 原來不是. 我最早因為不太了解, 買了555和1371, 後來仔細看, 覺得1371和美國上市的WBAI先至夠性感, 就趁555和1371都大跌之時, 將555的錢轉了不少到1371, 剩下的則換入其他. 彩票, 最賺錢的當然是坐莊, 不過個莊是政府, 輪不到我地, 其次, 應該是通路了, 就好似VISA收過路費一般. 555又做機器又做設計又做經銷, 好聽是業務齊全, 難聽是雜而不專. 反觀1371, 主力在福彩前途遠大的中福在線, WBAI是唯一有網上體彩牌照的上市公司, 照前景睇, 增長動力肯定好過555. 至於其他, 好似8279, 8156, 似乎背景不如前面幾家, 雖然說身處行業風口, 就算是豬, 也可以飛得起來, 但是, 風口的鷹, 點都會飛得高過豬, 喺未?

最後是互聯網. 阿里巴巴和企鵝哩排為在支付方面搶客, 都燒了好多錢在網上打的上, 一方面說明機會多, 另一方面可以認為跟住兩位大佬的小弟都最少有湯喝. 阿里巴巴未上市前, 估計互聯網都有的炒, 問題是好多股票都貴到飛起, 實在買不落手. 我好後悔在不到19元賣了8292, 這也是個反面教材, 提醒兄弟們, 假如手頭有貨, 不要輕易被人震出了. 我有點運氣的是雖然一早走佐3888和8292, 但總算在相關產業找了些作為它們的替代. 宜家, 暫時算是得手, 即賬面有些利潤的是和互聯網大佬如今主要發力的O2O需要的物流相關的636和598, 以及已經通過和241合作, 間接和阿里巴巴拉上關係的354. 相關股票, 除這裡提及的, 應該還有不少好選擇.

除上面四類外, 我覺得應該多些關注的是從386近來的動作掀開序幕的國資改革. 這個可能有和十年前的股權分置改革相似的意義, 假如順利, 可能會在達成各方勢力重新分配之外, 還為諸多國企注入新動力, 并可能由此引發新一輪的經濟發展, 從而催生新一輪的牛市. 在第一槍不能落空的訴求下, 可能386有不錯的機會, 只是因企業太大, 可能難以期望投資在它身上有超級利潤.

上面喺一啲務虛方面的考慮, 好遺憾我沒能力一開始就以這個思路做好佈局, 做咗好多無謂的出出入入, 賺少咗和虧多咗的炒賣次數, 我宜家也數不清有幾多次了, 就算如今以這些想法做了些正確的交易, 也難講是否喺人地已經炒到水尾我才來接貴貨, 因此都喺戰戰兢兢地.

我宜家的佈陣, 是一路持有幾隻長線可能有機會的重倉股, 剩下的資金則在選擇的幾個板塊裡面分別以較小的注碼在同一板塊買入幾隻股票等運到, 隨時汰弱留強, 做較為中短線的炒賣.

炒賣的股票大部分集中在上面提及的幾類, 較重倉準備長線的, 早前都講過了, 就是: 業績回升, 可受惠美國收水的945; 估值合理, 前景穩定清晰的384; 減持部分但仍有相當部分, 收息之餘等待日本開賭炒作一把的6889以及正逐漸累積, 等待大市反彈的806.

難得下午沒什麼事做, 又好耐沒發文, 就先簡單將近排的一些想法寫一寫, 到宜家, 差不多收市了, 似乎仲有一啲嘢未得閒講, 主要是啲關於選股思路上的, 不如留番下次啦.

話時話, 似乎勤力有好報, 今日個組合都有些進賬. 為自己荷包著想, 今後睇怕要多啲發文啦:D


YTD : 7.5%